English Premier League (EPL) champion Manchester City chuan player thar an nei a, Brazil winger Savinho chu French club Troyes atangin an la lut.
City hian kum 20 mi Savinho manah 40m euros (£30.8m) an sen a, kum 2029 thleng an hnena cham turin contract an ziahpui.
Savinho hian Brazilian club Atletico Mineiro-ah bul a tan a, kum 2022 nipui lai khan City Group of Football club pakhat Troyes chu 2022 nipui bazar lai khan a zawm. Ligue 2 club tan hian inelna a hmachhawn lo, 2022-23 chhung khan loan in PSV Eindhoven chu loan in a zawm a, season liam ta khan La Liga-a pathumna ni ta Girona-ah loan in a khel leh bawk.
Girona tan hian inelna hrang hrangah goal 10 a thun a, assist vawi 10 lai a nei bawk. Club tan a chetthat vangin March 2024 khan Brazil tan khel turin koh a ni a. Friendly match ah England an hmachhawn tumin Brazil tan a vawi khat nan a khel a. Brazil tana a goal thun hmasak ber hi Copa America-ah Paraguay an hmachhawn tumin a ni. CLub leh ram tan a chetthat vangin EPL champion Manchester City in lak tumin hma an la a, indawrna hrang hranga an pal tlang hnuin an inla lut fel ta a ni.