Tunkar zirtawp ni, August 2024 atangin infiammite khawmpui lian ber Summer Olympic-ah neih tan a ni dawn a, August ni 11, 2024-ah zawh fel tura ruahman a ni. Olympic 2024-ah hian USA chuan hawnna huna an ram flag keng a, an infiammite hruai turin Basketballer ropui LeBron James an ruat.
Basketballer ropui ber ang hiala ngaih, Los Angeles Lakers player pawimawh ni mek LeBron James hi Olympic-ah vawi thum a inlan tawh a, Basketball inelnaah Gold Medal vawi hnih an la tawh. Paris Olympic hi Olympic-a vawi li a inlanna tur a ni. Club leh ram tana player ropui James hi mipa lamah USA flag kengtu (male flagbearer) atan a ruat a ni a. Hei hi infiammite tan chawimawina sang a tling.