Tennis-ah ram leh ram hmeichhe team te an inelna Billie Jean King Cup Final chu Malaga-ah khel turin sawn a ni.
Bellie Jean King Cup final-ah hian ram 12 te champion tumin an inel dawn a, Canada chu champion lai an ni. He inelna hmachhawn tur hi Great Britain pawh an tling a, Emma Raducanu pawh a inlan ngei tura ngaih a ni. He inelna hi Sevilla-ah neih tura ruahman a ni zet a, Malaga lamah sawn a ni leh ta zawk. November ni 13-ah khelh tan a ni ang a, November ni 20-ah zo fel tura ruahman a ni.
Sevilla a neih tur Malaga lama sawn a nih tak chhan hi Regional Government of Andalucia lamin an ngen vang niin International Tennis Federation (ITF) chuan an sawi. He hmunah vek hian mipa inelna Davis Cup final khelh a ni dawn bawk a, mipa inelna hi a zawna vawi thum an thlenna tur a ni nghe nghe.