Manchester City chuan Crystal Palace winger Eberechi Eze lak an rilruk a, England international hi a lakchhuah theihna zat chu £60m a ni. (Mirror)
Saudi Arabian club Al-Ittihad chuan kum 33 mi Belgium playmaker Kevin de Bruyne lak an duh. Al-Ittihad in De Bruyne lak an duh vang hian Manchester City chuan Eze lak tumin ngaihtuahna an siam ve nghal. (Guardian)
Manchester City chuan Paris St-Germain leh Italy goalkeeper Gianluigi Donnarumma an ngaihven. City si nghak Brazil international Ederson chu Al-Ittihad pan thei dinhmunah a ding mek a, Ederson hmunruak luahtu atan City hian Donnarumma hi lak luh an duh. (Sky Sports Italy)
Ederson manah Al-Ittihad chuan £40m tal an sen a ngai dawn. Manchester City chuan an si nghak rinrawl hi a phu ang tawka dawrna an dawng a nih chuan chhuahtir an hreh lem lo bawk. (ESPN)
Paris St-Germain chuan Manchester United winger Jadon Sancho lak an duh a, England forward hian French champion zawm a lo chak ve bawk. (Foot Mercato – in French)
PSG hian Manchester United leh Portugal midfielder Bruno Fernandes pawh lak tumin an ngaihven ve bawk. (L’Equipe – in French)
Everton chu England defender Jarrad Branthwaite dawrna tha zawk dawngsawng turin an inhmakhua. Everton hian United in an dawrna an lo hnar tawh a, United in sum tam zawk nen an dawr leh a nih chuan an inrem theih tawh ngei an beisei. (Fabrizio Romano)
Aston Villa chuan Al-Ittihad hnenah £50m a France winger Moussa Diaby hralh an remtih hnuin Atletico Madrid leh Portugal forward Joao Felix chu lak tumin an ngaihven chhunzawm ve nghal. (Guardian)
Tottenham chuan Brazil forward Richarlison lak tuma ngaihventu Saudi Pro League club Al-Ahli hnenah Richarlison manah £60m an chhiar tih an hrilh. (Times – subscription required)
Spurs winger Bryan Gil leh left-back Sergio Reguilon te chu club chhuahsan tura ngaih an nih vangin Japan leh South Korea a zinchhuak tur teamah telh an ni ve lo. (Standard)
Newcastle United chuan an manager Eddie Howe chu England in an manager thar atan an sawm a nih pawn lo hnar a, an club a enkawl chhunzawm ngei theih nan an dawr. (Telegraph – subscription required)
Arsenal chu Grystal Palace hnenah England defender Marc Guehi manah English forward Eddie Nketiah pe tel turin an inhmakhua. (Metro)
French club Marseille chuan Nketiah hi inremna an neihpui thei tawh a, la fel thei ngei turah an inngai. (L’Equipe – in French)
Manchester United leh West Ham te chu Bayern Munich atanga Morocco right-back Noussair Mazraoui lak tumin an inel. Bayern hian kum 26 mi Mazroui manah £19m an chhiar. (Sky Sports Germany)
Manchester United in Noussair Mazraoui an chang ta zawk a nih chuan West Ham chuan United atangin English right-back Aaron Wan-Bissaka lak an tum zui ve leh dawn. (Sky Sports)
Paris St-Germain leh Napoli te Nigeria forward Victor Osimhen chungchangah an indawrna a tlawlh. (Fabrizio Romano)
Besiktas chuan Arsenal, Liverpool leh England midfielder Alex Oxlade-Chamberlain chu an ruahmannaah an tel tawh lo tih an hrilh. (Mirror)