Manchester City chuan kum 26 mi Spain midfielder Dani Olmo chu RB Leipzig atanga lak tumin an dawr. (Foot Mercato – in French)
Barcelona pawhin Olmo hi lak tumin an dawr ve bawk. Barca hian Olmo manah £40m am tawktarh a, hei hi vawi khata pek tlak tur ni lovin vawi li peka pek tlak tur a ni thung a. £40m bakah hian an hnena a khelh that dan azirin £20m pek belh an la huam cheu bawk. (Mundo Deportivo – in Spanish)
Leipzig chuan Barcelona in Olmo an dawrna zat hian an beisei a phak lo em vangin ngaihtuah buai lovin an hnar nghal thung. (Sky Sports Germany)
England defender Jarrad Branthwaite chuan Manchester United in kar khata hlawh an pem tum zat £160,000 chu Everton in pek an huam ve a nih loh chuan Everton-ah hian contract thar ziah tumna a nei lo. United chuan kum 22 mi hi lak tumin tumhnih an dawr tawh a, man leh mualah an inrem theih loh vangin Everton hian an hnar ve ve thung. (Mail)
Manchester United defender Aaron Wan-Bissaka chuan Inter Milan zawm a duh zawk vangin West Ham in lak tuma an dawrna a hnar. (Talksport)
Manchester United hian Inter Milan nen Wan-Bissaka leh Dutch defender Denzel Dumfries te inthleng theih dan tur an ngaihtuah nawn leh. (Mail)
Brentford chuan Tottenham leh West Ham ten lak an tum Ivan Toney chu chhuahtir turin ruahmanna lo siam tawh mah se pre-season lamah Toney hmunruak luah thei ber tura ngaih England forward Igor Thiago a inhliam vangin Toney hi an chhuahtir leh lo mai thei. (Sun)
Crystal Palace chuan 15m euro (£12.6m) senga Senegal winger Ismaila Sarr lak an tumnaah Marseille nen a thuphungin inremna an nei thei ta. (Athletic – subscription required)
Arsenal chuan Spain midfielder Fabian Ruiz chungchangah Paris St-Germain an dawr tan. Gunners hian Euro 2024-ah Spain tana chetha tak Ruiz la lut turin an player neih sa hralh hmasak zet an mamawh thung. (Football Transfers)
Aston Villa chuan Juventus leh Chelsea te pawhin an ngaihven Borussia Dortmund leh Germany winger Karim Adeyemi an thlithlai. (Mail)
Napoli leh Denmark winger Jesper Lindstrom chuan Everton zawm fel turin medical test a hmachhawn fel ta. (Fabrizio Romano)
Chelsea goalkeeper Kepa Arrizabalaga chuan Real Madrid a zawm fel theih hmel a. Kepa-a’n Real Madrid a zawm a nih chuan Ukrainian keeper Andriy Lunin chuan Chelsea a zawm ve thung ang a, si nghak an inthleng ang. (AS – in Spanish)
Nottingham Forest chuan West Ham United in kum 23 mi Wales full-back Neco Williams lak tuma an dawrna an hnar. (HITC)
Liverpool chu Juventus leh Brazil defender Bremer lak an duh a nih chuan £50m sen an huam a ngaih tur thu hrilh an ni. (Football Insider)
Chelsea chuan kum 21 mi Ivory Coast defender Guela Doue chu Rennes atangin an la fel thei tep tawh a, a manah hian £7.6m an seng ang. (Sky Italy)
Paris St-Germain chuan kum 19 mi Benfica leh Portugal midfielder Joao Neves an la fel thei tep tawh. (Fabrizio Romano)
Paraguay winger Miguel Almiron chu Newcastle United atanga lakchhuah tumin Saudi Pro League club hming tarlan lohin an dawr. (Football Insider)