- Zoliansanga Tlau
“I can almost see it
That dream I’m dreaming
But there’s a voice inside my head, saying
You’ll never reach it”
“Every step I’m taking
Every move i make feels
Lost with no direction
My faith is shaking”
Khawvela tlâng sâng ber ‘Mount Everest’ lâwn chhuak turin Nula Lalrintluangi khân beidawnna, huphurhna leh tawpsan mai duhnain a manin a tibuai asin; mahse, lâwn chhuah ngei a tum tlat avangin, amah leh amah chu infuih tharin a intiphur chawp a, a intichak bawk a. Hei hian hmalam pan tang tang tura nawr kalin Mizo hmeichhe zinga ‘Mount Everest’ lawn chhuak hmasa ber a nih tir a ni.
“But i, i gotta keep trying
Gotta keep my head held high”
Mizote zinga Mount Everest lawn chhuak hmasa ber David Zohmangaiha pawh kha, a chhip a thleng tep tihin ‘snow blindness’ a vangin a buai a. A lâwn chhuak ve thei dâwn ta lo em maw ni chu aw tia a inngaihtuah buai laiin a beiseina chhetê mit tep tawh chu tinung thar lehin bawkvakin a chhip a han thleng asin!
“The struggle i’m facing
The chances i’m taking
Sometimes might knock me down, but
No, i’m not breaking”
A haw leh lamah a Oxygen kenin a daih tawh dâwn lo a ni tih a hriatin a thianpa hnenah a chhungte a pek tur thlalak leh thildang pawimawh a hlan a. Tichuan, a thianpa chu kalsan turin a hrilh; mahse, a thianpa chuan kalsan mai duh lovin a rûkin a lo veng reng chu niin, chu a kalsan hlat duh lohna chuan beiseina thar pê-in a theih chên chên bawkvak leh in sawh thla chawrh chawrh chungin hmalam pan zel tura thutlukna siamin an base camp thlen a tum ta a.
Pathian awmpuina leh venhimna bakah beidawng lo va a beih tang tangna chuan a Oxygen ken a zawh hnuah pawh him dampialin an base camp a thleng thei asin. A thian hnam dang ho chuan mak ti a au chêl chûlin, “David Zohmangaiha Pathian chuan oxygen bûr ruak pawh a tikhat leh thei” tiin an sawi hial a!
“There’s always gonna be another mountain” tih ang khan mitin hian kan hringnunah tlang lawn tur kan nei theuh va. A chhip thleng tura kan beinah hah leh chau tak chung pawhin hmalam kan pan zel a pawimawh. Beidawnnate, lungngaihnate, mangangnate, tawp san mai duhnate leh, mahni inngaih/dah hniamna (inferiority complex) te nen kan indo reng a. Kan chak ngei a ngai. A pawimawh ber chu thah hlah lova hmalam pan zel a ni.
“…I’m always gonna make it move
Always gonna be an uphill battle
Ain’t about how fast i get there…”
A chang chuan i vawn lai hrui emaw lung emaw nghingin i hnung tawlh a ni thei. Kham sang tak atangin i tla a ni thei bawk. I ke leh i kutte pawh a tliak a ni thei. In fuih reng la, hmalam pan zel rawh. Chak taka lawn a pawimawh ber lo; a chhip thleng tura i pen chhet chhet a nih paw’n lungngai suh. A chhip i thleng thei em em ang.
“…Ain’t about what’s waiting on the other side
It’s the climb
Keep on moving, keep climbing
Keep the faith, baby
“It’s all about, it’s all about the climb
Keep your faith, keep your faith”
Tlang letliamah engin nge nghak che, harsatna lian zawk a awm ang em tiin rilru hah leh helhkamin ngaihtuah buai duh chu, Pathianah innghat hmiah rawh. A pawimawh ber chu hmalam pan zel a ni. Nangmah inring tawk la, Pathian ring tlat bawk ang che.