Aizawl: Indian Oil Corporation Limited (IOCL)-in ei rawngbawlna gas man a bithliah thar zulzuiin Mizoramah pawh January 1, 2025 atanga hman tan turin gas man bithliah thar a ni.
FCS&CA thuchhuahin a tar lan danin, ei rawngbawlna gas man tharah chuan in chhunga hman chi, kg 14.2 a rit bur chu Vairengtea Rs. 946 a ni a, Vairengte tih loh Mizoram pumah Rs 955 a ni thung.
Sumdawnna atana hman chi commercial-ah kg 19-a rit bur chu Vairengtea Rs 2240 niin, Vairengte tih loh Mizoram hmun hrang hrangah Rs 2256 a ni a. Kg 19-a rit XtraTeJ chu Vairengteah Rs Rs.2262.50 niin, Vairengte tih loh Mizoram pumah Rs 2278.50 a ni a. Kg 10-a rit Composite chu Vairengte-ah 633 leh Vairengte tih loh Mizoram pumah Rs 638 a ni.
Ei rawngbawlna gas hi Aizawl Municipal area leh District Hqrs-ah te home delivery kalpui tawh tur a nih avangin, Rs. 70 belh zel tur a ni a, Godown-a hralh erawh chuan Rs.33.43 zel paih thung tur a ni. Home delivery a kalpui thei nganglo veng, point delivery kalpuinaah chuan Rs.7.53 belh zel tur a ni.