Japanese mipa leh hmeichhe tam takte’n chhungkaw din tum lovin single life-a nun hmanral an duh zawk niin, sorkar zirchianna thar berin a tarlang a. An ram population harsatna lian tak awm mek a belhchhah zel dawn a ang at hle.
Tokyo-a inkhuar sorkar enkawlna hnuaia awm Institute of Population and Social Security zirchiannah an rama kum 18-34 inkar mipa 17.3 % leh hmeichhia 14.6% te chuan nupui/pasal neih an tum loh thu sawiin, 1982 hnu lama zawhna chhangtu zinga chhungkaw din tum lohna thlipui tleh nasat ber an tawngbua.
Japan ramah hian manganthlak khawpin naupiang an tla hniam duai duai zel a, putar leh pitar an tam tak em vangin an ram kalzel dan tur chu ngaihtuahawm tak a tling tawh.
Mithiamte sawi danin, hmeichhia te hian single an nihnaa zalenna an thlahlel daih zawk a, hna thawh a, mahnia inchawm mai an duh zawk.
Chutiang bawkin, mipa lam pawhin hna tha tak hmu lem si lova chhungkaw chawm ngai bawk, sum indaih loh bawk nun chu an thlahlel tehchiam lo tih a ni.