Rajasthan-a Thawhlehni atanga Volleyball Federation of India (VFI) buatsaih, Senior National Volleyball Championship-ah Mizoram mipa team chuan Nilaini khan an khelh hnihnaah Nagaland an hneh.
A tan nia Pondicherry laka 3-1-a an tlawm hnuah Mizoram Volleyball Association (MVA) tirha Mizoram aiawha Jaipur khawpuia inkhelte hian Pool F-ah khelh hnihnaah hnehna an chang a, an hmarchhakpui lakah hian set hmasa ber hloh mah se hi 3-1 (20-25, 25-19, 25-15, 2-in an lehthal a ni.
Team 34 telna championship-ahhian pool ruk awmin pool khata an awmpuite hi an inkhel kual dawn a, pool tina a sang pahnih theuh bakah pathumna zinga ti tha paliin round of 16 an lut ang.
Mizo tlangvalte hian Pool F-ah hian Pondicherry leh Nagaland bakah Chandigarh, Maharashtra, Delhi leh Andaman an awmpui a ni.
Thawhlehni tlaia Sawai Mansingh Stadium Court No. 2-a Pondicherry an hneh loh hnu leh Nilaini chhuna Indoor-a Nagaland an hneh hnu, Nilaini zan dar 8:00 khan Andaman an hmachhawn lehnghal a, an result kan hre hman lo.
Ningani zing dar 8:00-ah Court No. 1-ah Delhi hmachhawnin chawhnu dar 2:00-ah Court No. 1-ah vek Maharashtra nen an intum leh ang a, Zirtawpni zing dar 8:00-ah pool match hnuhnung ber chu Chandigarh nen an khel ang.
Mizoram aiawha kal tur hian MVA chuan player player 10 an ni.