Greenland prime minister Mute Egede chuan US nen defence leh mining resources lamah thawhdunna tha neih a duh thu thawhtanni khan a sawi.
Egede chuan a kaihhruai sorkar chuan president thlan thar Donald Trump nen thawhhona tha zawk neih an duh thu a sawi a, a bik takin defence leh mining resources lamah thawhhona tha tak an neih zawm reng a beisei thu a sawi bawk.
Greenland hi Danish ram zau tak, autonomous territory a ni a, North America atanga Europe panna kawngpui tawi ber niin, hei vang hian US tan chuan hmun pawimawh tak a ni.
Trump hian a term hmasa kum 2019 khan Greenland hi lei a lo tum tawh a, a term hnihna tur a chelh leh dawn tak avang hian Greenland tan pawh hian inngaihtuah buaina tham tak a thleng chho leh thei reng dawn nia sawi a ni bawk.