AZL: State Level Committee on Fire Prevention 2025-in kumin lo hal hun ni hnuhnung atan March 15 a ruat.
Nimin khan Fire Prevention Week 2025 neih dan tur leh kumina lo hal ni tur te relin Secretariat Conference Hall, Mineco-ah an thukhawm a. Fire Prevention Week 2025 chu February 10 atanga February 15 inkara hman atan an rel a. Thupui atan ‘Ram tikang lo tura tan kan lak hian hma hun eng zawk kan insiam a ni’ tih an thlang a. Kumin atana lo hal ni hnuhnung atan March 15, 2025 chu ruatin Lengpui leh a chhehvela lo hal turte chuan hemi ni vek, tlai lam dar 3:30 hnu lamah chauh hal tan turin an rel bawk.
Kangmei ven kawnga hma la tha khua leh district-te hnenah lawmman hlan an rel bawk a. Henga thlan chhuahte hian pakhatnain Rs 50,000, pahnihnain Rs 30,000 leh pathumnain Rs 20,000 theuhte hlan an rel a ni.