Tual chhung thuneitute chuan Thawhlehnia French Alps-a ‘vur tawlh nasa’ tak thlengah mipa pakhat a thi niin an sawi.
Brazilian-Portuguese nihna nei kawp ruang hi Mont Blanc bulthuta Les Grands Montets chawlh hmanna hmunah chhanchhuah hna thawktute hmuh a ni tih an sawi.
Vur tawlh hi Thawhlehni tlai dar 04:35 (India-a zan dar 09:05) vela thleng niin km khat chuanga sei niin metre 400 zeta zau niin an sawi.
A tirah chuan thi hi British niin puan phawt a ni a; mahse, Nilaini khan public prosecutor leh Chamonix High Mountain Gendarmerie Platoon (PGHM) chuan hei hi a dik lo tih an sawi leh.
Les Grands Montets bung khata vur tawlhin a hnawl hlum tak hi kum 55 mi a ni a, a vur tleng laiin vanduaina a tawk ta tih an sawi.
A dinhmun a him rih loh em avanga vantlang tan hnaih a him loh avanga khar tuma kal ski patrol-ten a ruang hi an hmu a ni.
Rescue team koh nghal niin an endik hnuah skier hi a thi tih puan zui a ni a. PGHM chuan a chhungte hnenah pawh hriattir tawh a ni a, mi dang thi leh hliam an awm an la hre rih lo.
Haute-Savoie prefecture chuan January thlaah hian vur tawlh mai thei a tam thin avangin vur tleng thin leh kea hawi khawthawng thinte chu fimkhur tur leh dan zamte zawm turin an ngen.