Excise and Narcotics Department (END) leh Police Department thawkdun chuan nimin khan Phunchawng leh Rangvamual chhehvela zu siamna hmun 101 an luhchhuah.
Home Minister K. Sapdanga, Excise & Narcotics Minister Lalnghinglova Hmar leh Aizawl West-I bialtu MLA TBC Lalvenchhunga te chuan Mizoram hmun hrang hranga dan phal lohva zu siam tam lutuk leh heng zuin mihring taksa a tihchhiat nasat avanga a intute hriselna nasa taka a nghawng dante an sawiho thin a, dan kalha zu siamtute leh an zu siamna beih dan tur meeting-a an rel bawhzuiin department pahnih te hian hma an la ta a ni.
Meeting thuchhuak angin nimin khan Excise & Narcotics Department leh Police Department chu group hrang hrangah insem darhin Aizawl leh Mizoram hmun hrang hranga dan phal lohva zu siamna hmunpui – Rangvamual leh Phunchawng chhehvela a ruka zu siamna hmunte chu an luhchhuak a ni.
Police Department atang hian 3rd MAP leh 5th IR an thawkchhuak a, a hnuai mi ang zat hi zu siamna leh a hmanruate tihchhiat a ni:
Zu siamna hmun – 101
Zu bilh lai – Tin 25,556
Zu siamna bel – 96
Rakzu – Liter 1,083