AZL: Minister Dr. Vanlalthlana department enkawl palite tana din Consultative Committee chu nimin khan an thukhawm.
Samagra Conference Hall, Zarkawta thutkhawmah hian School Education, Higher & Technical Education, Information & Public Relations leh Information Communication Technology department-a Secretary theuhte chuan Consulative member-te hmaah an department theuh hmalaknate, hmachhawpte leh harsatna hrang hrang an neih leh tawh mek te an sawi a ni.
He huna hian committee member, MLA pali ruat zinga pathum — Dr. K Beichhua, Ramthanmawia leh Baryl Vanneihsangi Tlau te chuan, department chungchang hriatchian an duh lai zawhna an neihte chu chhan a ni bawk.