Aizawl: ZPM chuan thuchhuah siamin, Mizoram sorkarin kuthnathawktute thlai thar sawhthing a lei tan ta chu lawmawm an tih thu an sawi.
Nimina thuchhuah an siamah, February 20, 2025 hian kalphung thar mipui sorkarin Mizoram sorkar flagship programme, bana kaih (handholding) scheme leh ZPM party policy tihhlawhtlin nan, district hrang hranga Secondary Collection Centre (SCC) atangin kuthnathawktute thlai thar, sawhthing kg-ah Rs 50-a a lei tan ta chu lawmawm an tih thu an sawi.
ZPM chuan, “Kum khat vel chauh ZPM party-in sorkarna a chan hnu a, suangtuahna a tak ram a chang chho ta mai hi Pathian leh Pu Lalduhoma kaihhruai ZPM ministry fawng chelhtute chungah lawmthu a sawi a ni,” an ti.