Aizawl: Mizoram Agricultural Marketing Board (MAMB)-in a ruahman angin, Mizoram sorkar ‘Bâna Kaih (Handholding)’ ruahmanna hnuaia thlai thar lei tur pali zinga pakhat – sawhthing hralh chhuah leh lei rûnpui chu nimin khan Mizoram district hrang hrangah kalpui tan a ni.
Mizoram sorkar ruahman angin, sawhthing hi kg khat Rs. 50-in kuthnathawktute a leisak dawn a. Sawhthing chingtute hian kg-ah Rs 50 aia tova hralhna an hmuh chuan an hralh thei tho dawn a ni.
Lunglei-ah chuan District Agricultural Marketing Committee (DAMC) huaihawtin an district chhunga Secondary Collection Centre (SCC) paruk — Haulawng, Hrangchalkawn, |awipui North I, Buarpui, Thenhlum leh Phairuangkai atangin sawhthing hi hralh chhuah a ni. Nimin khan |awipui North I SCC atangin sawhthing hi phurh chhuah a ni.
Lunglei district-a sawhthing hralh chhuah runpuiah hian quintal 1,500 vel hralh beisei a ni a. Hunbi ruahman sa angin sawhthing hi hralh chhoh zel tur niin, a thawh khatna (1st phase) atan March 10, 2025 thlengin, Lunglei district-ah hian sawhthing quintal 4,500 vel hralh hman beisei a ni a. Hemi atan hian DAMC leh secondary collection centre enkawltu cluster society te chuan ruahmanna an siam zel dawn a ni.
Lunglei District-ah hian Bana Kaih ruahmanna hnuaia thlai chingtu society 135 an awm mek a. SCC hi hmun pariatah a awm a ni.
Serchhip district-ah pawh Chhiahtlanga SCC atangin, truck hmangin sawhthing quintal 100 phurh chhuah niin, Sairang panpui a ni.
Serchhip district-ah hian SCC pasarih a awm a. Heng SCC zawng zawngah hian nimin atangin sawhthing lei tan nghal a ni.
Sorkarin ruahmanna a siam angin, Serchhip district-ah hian thla khat chhungin sawhthing kg 5,25,000 lei a ni dawn a. Chumi senso tur atan Rs. 2,62,50,000 a ruahman a ni.
Hnahthial district-ah chuan SCC panga – Hnahthial, Cherhlun, Darzo, Tarpho leh Chhipphir SCC te awmin, he;ng atang hian a thawhkhatna chhung hian quintal 5,250 vel hralh chhuah theuh beisei a ni.
Nimin khan SCC pathum – Hnahthial, Tarpho leh darzo-ah te society hruaitute leh official-te endikna hnuaiah sawhthing hi buk niin, Sairang panpuia phurh chhuah a ni. Vawiin hian Cherhlun leh Chhipphir-ah te buk a, hralh chhuah tan tura ruahman a ni.
Saitual district-ah chuan sawhthing quintal 400 phurh chhuahte chu Saituala SCC atangin vai liam a ni a, Sairang panpui nghal a ni.
Saitual district-ah hian SCC pasarih awm atang hian nimin bikah SCC pathum atangin sawhthing truck trip pariat hralh chhuah a ni. Saitual SCC atangin qtls 400, Keifang SCC atangin qtls 370 leh Phullen SCC atang qtls 360 te hralh tura phurh chhuah a ni.
Champhai district-ah SCC 10 awmin, heng – Farkawn SCC, Khuangleng SCC, Vaphai SCC, S. Khawbung SCC, Mualkawi SCC leh Ramhrangkawn Champhai SCC kaltlangin sawhthing qtls. 1,274.81 lak khawm a ni.
Heng SCC hnuaia khaw hrang hrang sawhthing hralh dan chu – Vaphai qtls 75.42, Chawngtui 117.38 qtls, Samthang 12.24 qtls, Khawbung qtls 106.63, Khuangthing qtls 15.5, Zawlsei qtls 57.28, Bungzung qtls 76.11, Dungtlang qtls 34.51, Khuangleng qtls 25.06, Farkawn qtls 109.37, Khankawn qtls 122, Thekpui qtls 123.16, Thekte qtls 138.15, Hruaikawn qtls 132, leh N. Khawbung qtls 130-te an ni.