AZL: Mizorama ni li cham tura lo zin, member pali awmna 16th Finance Commission chu chairman Arvind Panagariya hovin nimin khan Aizawl an thleng. Hunthar lei tla hniam an tlawh nghal.
He hunah hian Disaster Management & Rehabilitation Department-a thawktute leh Public Works Department hotute chuan Commission hotute hnenah kum 1990 atanga 2024 chhung a helai hmun a leilung chet dan leh inkalpawhna kawng a harsatna hrang hrang a thlen thin dan te, lei tawlh hniam zel tur ven nana hmalakna thenkhat kalpui a nih dan te an hrilhfiah a. Mizoram khawpui Aizawl luhchhuahna kawng pawimawh tak a nih avangin leh helai hmun a chengte tan harsatna lian zawk a thlen loh nan ruahmanna an duante chu an hrilhfiah bawk.