Show ropui tak neih tuma a inbuatsaih mek laiin, Shakira chuan Peru rama a concert neih tur chu fans lam ngaihtuahna avangin thulh a nih thu a sawi.
Ruahman lawk dan chuan he concert hi February 24, thawhtannia neih tur kha a ni a, mahse kum 48 mi hian a hmunhma thuah chhiatna nasa zawk thleng thei a nih avangin thulh lailawk a nih thu sawiin, hei hi he event buatsaihtute atanga ngenna vang a nih thu a sawi tel.
Event buatsaihtute pawhin thuchhuah siam zui ve nghalin, Medellin’s Atanasio Girardot Stadium-a show ropui tak neih an tum chu inbuatsaihna kawngah harsatna a awm avang leh, mipuite himna tur an ngaihtuah avangin thulh lailawk a nih thu an puang zui ve bawk.
Hetih lai hian concert promotor Paramo Presenta chuan artist leh thawktute chuan tih tlang ngei duh mah se, mipuite himna lam ngaihtuah tel a tul avangin loh theih loha thulh a nih thu an sawi a, hun reivak lo hnuah concert pawh tihhlawhtlin leh nghal ngei tum a nih thu sawiin, mipuite chu hrethiam tur leh an himna ngaihtuah vang zawka hetiang thil tita an nih thu hriatpui tura ngenin, rei rial tir loh an tum thu an sawi.