Aizawl: Health & Family Welfare Department hnuaia Mizoram Health Systems hmalaknain kea kal thatzia inzirtirna, kea kal runpui ‘Walk for health- Walkathon 2025’ chu Saitual district-ah nimin khan neih tan a ni.
Walkathon 2025 hi Saitual District-a khaw hrang hrangah buatsaih a ni dawn a, nimin khan Keifang, Saitual, Lenchim leh Sihfaah neih a ni ang.
Kea kal runpui hi a hmasa ber atan nimin zing dar 7 khan Keifangah neih a ni a, kalkhawmte chuan Keifang kawn atanga Sedai kawn thleng kawng an zawh.
He hun hi Dr. Daniel Lalchhandama, Health and Wellness Officer, Keifang HWC chuan a kaihruai a, walkathon thil tum te, kea kal tam thatna te leh inkaichhawn theih natna ni lo (non-communicable diseases) laka invenna tha a nihzia te a sawi a. Kalkhawmte chu kea kal uar deuh deuh turin a chah bawk.