Nilaini chawhnu khan NITI Aayog member lo kalten Zoram Medical College & Hospital (ZMC&H), Falkawn an tlawh.
NITI Aayog hotute hi Health Minister Lalrinpuii hova hmuah an ni a. Council Room, ZMCH-ah inkawmhona neih niin, he hunah hian NITI Aayog member Dr Vinod K Paul chuan Mizoram Infant Mortality Rate (3 per 1000 Livebirths) chu India rama hniam ber anih thu sawi a. Hemi chungchanga H&FW Dept. hmalakna tha a tih thu a saw a. Natna chi hrang hrang TB, Malaria, Measles, Rubella leh Leprosy-te Mizoram atanga umbo turin Health Dept. hotute a fuih a.
Dr Vinod K Paul chuan Primary Healthcare a ngaihpawimawh thu leh ti changtlung tura H&FW Dept. hmalaknaah a tul anga puih a inhuam thu a sawi a. Heng bakah hian Aizawl Civil Hospital Administrative Block leh laboratory Block leh Serchhip District Hospital sakna tur chu DoNER Ministry-ah dilpui a inhuam thu a sawi a. ZMCH a Post Graduate course tan tura hmalak mek chu theihtawpa bawhzui sak a tum thu leh, Critical Care Block sak tan mek tihchangtlun chungchang te, Hospital leh Academic tichangtlung tura hmalak meknate pawh theihtawpa hma lak pui a tum thu a sawi bawk.
NITI Aayog member lo kal te hi Dr. Vinod K Paul bakah, Anna Roy, Principal Economic Advisor, NITI Aayog & Mission Director, WEP; Surender Mehra, Adviser (GT&CC, DMEO&AIM), NITI Aayog and PD-Mizoram; Dr. Thyagaraju B M, Deputy Advisor – S&T Vertical; Dr. Priscilla C Ngaihte, Regional Lead, NE States – ADP/ABPVertical; Dr. Shobhit Kumar, Research Officer – Health Vertical; Shrestha Hazra, Consultant Grade-I – Health Vertical leh Milap, YP – NITI Aayog te an ni.