Sairang thlenga rel lo lut turin ruahmanna a kalchho mup mup reng a, enchhinna hrang hrang thlengin neih a ni tawh bawk.
Rel lo lut hian hmasawnna leh awlsamna nasa tak min thlen dawn chiang a, chutihruala kan ngaihtuah tel tur erawh a ken tel hrang hrangte hi a ni.
Kan hnam aia tam fe vai a rawn chhawm ngei ngei dawn. Aizawl mipui zah thuak vai vakvai thlengin kan mikhual a tul dawn. Rel hmanga awlsamna tam tak a thlen rualin harsatna thleng thei reng a ni bawk.
Aizawl dai maia awm a nih avangin kan khawpui thlengin kan lo inruahman a tul a, inhungbikna (ILP) kan neih thlenga kan lo inruahman thiam a tul hle.
ILP hi khauh leh khirh, uluk zawka kan lo check a, chutiang hmun hma kan lo siam pawh a ngai dawn chiang a, tin, a viltu (duty) te pawh hnam hmangaihna rilru pu an nih a tul dawn hle.
Kan muangchan a thiang lo a, kan lo inruahman a, kan lo in remfel thuai thuai a va tul em. Chutiang tur chuan sorkar pawhin chet la in, kan hnam him tlanna tur kawng ngaihtuah thuai thuai se la, a tul a nih chuan tlawmngai pawl leh mi thiam bikte pawh rawn hreh suh se.