Arsenal chuan Martin Zubimendi chu Real Sociedad atangin £ maktaduai 60 dawnin an la lut ta.
Spain midfielder hi tun hi nipui bazara Gunners-in player an lak luh pahnihna niin goalkeeper Kepa Arrizabalaga chu Chelsea atangin £ maktaduai 5-in an lo la lut tawh bawk.
Kum 26 mi hian nikum khan Liverpool sawmna a lo hnawl tawh a, Real Sociedad atanga inzir chhuaka first team-a lut zui a ni.
Deep-lying midfielder hian Spanish club tan hian vawi 236 khelin goal 10 a thun a, London club-ah hian kum nga daih contract a ziak.
“Tun hiu ka career-a hun pawimawh a ni a. Chet chhuah ka zawnna leh ka duh a ni a. He hmuna i ke i nghah rualin club leh team lian a ni tih i hre nghal ang,” a ti.
“Arsenal lam ka hawi chhan hi an khelh dan hi ka khelh dan a nih vang a ni a. Tun hnaiah an theihna an pho chhuak tawh a, a tha ber chu a lo la thleng ang,” a ti.
Season liam ta khan Zubimendi-a hi Sociedad tan inlanin Old Trafford-ah 4-1-a tlawm tawh kha a ni a. La Liga-ah 11-na nihpuiin Europa League-ah Manchester United-in an hnawt chhuak zui.
Euro 2024-ah an ram chu nomawi lakpuiin final-a England an hmachhawnah chawlhlawkah Manchester City midfielder Rodri a thlak a. Mikel Oyarzabal-a goal hmangin Spain an champion zui.
Spain tan vawi 19 inkhel tawhin season liam taa Rodri a inhliam hnuah phei chuan ram tan hian a khel regular hle a ni.