Asia khawmualpuia football hmanga inelna upa ber, khawvel puma football inelna upat lama pathumna ni phak bawk, Durand Cup chu July 23 atangin an khel tan dawn a, August 23-ah a hmawr an bawk dawn a ni.
Kuminah hian team 24 an inel dawn a, India rama state pangaah an khel kual dawn a, an khelhna turte hi West Bengal, Jharkhand, Manipur, Meghalaya leh Assam te a ni ang.
President Droupadi Murmu chuan trophy-te chu kar kal ta Zirtawpniah khan New Delhi-a a chenna, Rashtrapati Bhavan-ah a tlangzarh tawh a, tlangzarhna hun hi Indian Army huaihawt a ni.
Kuminah hian kum danga la tih ngai loh angin state hrang hrang pangaah an khel kual dawn a. Manipur khawpui Imphal, Assam chhunga khaw pakhat Kokrajhar, Meghalaya khawpui Shillong, Jharkhand-a Jamshedpur khawpuite bakah West Bengal khawpui, Kolkata te chu an inkhelhna hmun turte an ni.
An inkhelhna turte hi Kolkata khawpuia Vivekananda Yuba Bharati Krirangan leh Kishore Bharati Krirangan te, Jharkhand-ah JRD Tata Sports Complex emaw, Morabadi Stadium emaw, Imphal khawpuia Khuman Lampak Stadium, Shillong khawpuia Jawahar Lal Nehru Stadium bakah Kokrajhar khawpuia SAI Stadium te a ni ang.
NorthEast United FC chu champion lai an ni a, an nomawi kawl hi humhim ngei an tum dawn a. Nikumah khan Mohan Bagan Super Giant hnehin a vawi khatna atan Durand Cup champion hi an ni thei a ni.
Group A
East Bengal FC
South United FC
Indian Air Force FT
Namdhari FC
Group B
Mohun Bagan SG
Mohammedan SC
Diamond Harbour FC
BSF FT
Group C
Jamshedpur FC
Indian Army FT
1 Ladakh FC
Foreign Team 1
Group D
Punjab FC
ITBP FT
Bodoland FC
Karbi Anglong Morning Star FC
Group E
Shillong Lajong FC
Rangdajied United FC
Northeast United FC
Foreign Team 2
Group F
TRAU FC
NEROCA FC
Indian Navy FT
Real Kashmir FC