Aizawl: Chief Minister Lalduhoma leh Ministry of Finance hnuaia Department of Public Enterprises-a Secretary K Moses Chalai, IAS, te New Delhi-a inkawm chuan CSR sum hai luh kawnga Mizoram hmasawnna turte an sawi dun.
New Delhi-a Mizoram House-a an inkawmnaah chief minister chuan hmarchhak state-te pual bika CSR sum 10% dah hrang tura rawtna union finance minister hnenah an thlen tawh thu a hrilh a. Chalai pawhin Mizoramin CSR tam zawk a hailuh theihna turin theihtawp a lo chhuahpui zel tur thu sawiin, Union Finance Secretary pawhin hemi chungchang hi a lo sawipui tawh thu a sawi a ni.
Chief Minister Lalduhoma chuan Chalai hi NEC Secretary a nih lai a Mizoram tana project, a bikin a bial tan a sanction-te avangin lawmthu a hrilh a ni.