Kan ramah sualnain nasa takin bu a khuar thuk zel a, kil hrang hrang atangin thuhriat nuam ni lem lo a richhuak nawk nawk ta zel bawk. Famkim lohna khawvela cheng kan nih miau avangin famkim zawng a har ngei ang, mahse sualna kawnga kan kal zel loh nan inzirtir leh inven thar nasat hi kan ngai nasa ta khawp mai.
Nitin deuh thaw ruihhlo man thar a awm thu hriat tur a awm ta fo mai a, man hman loh leh hmun hrang hranga a tithinte hnena vawrhte hi engzah tak awm ang i maw? Kan thalaite hi an tlu mek a, nasa taka tanlak hi a tul tawh hle.
Rukruk thawm hriat tur a khat tawkin kan nei ta reng mai a, mobile phone bo ringawtte hi tam tham tak a ni. Hmuh let engemaw zat awm mah se, hmun let loh engzah tak awm ang maw? Dawr leh chenna in rawk thlengin hriat tur a awm reng a, chhun khaw en laia che ngamte zu awm tawh a!
Kan ram hian dinhmun duhawm lo a tawh zel hma hian siamthat hna hi tun atanga kan thawh hi a ngai tawh a ni.
Heti reng kan nih chuan nunau mai ni lo, patling hi ralmuangin a la awm lo chho thuai dawn. Kan khawtlang nun siamtha turin theihtawp chhuah ila, sorkar pawhin a ram mipuite thlamuan tur hian kil hrang hrang atangin hna thawk mawlh mawlh teh se.