NBA Cup inelna neih tura group hrang hrang tihchian a ni ta a, champion Milwaukee chu East Group C-ah awmin New York, Chicago, Charlotte leh Miami te nen an awm.
2025 NBA Cup hi vawi thumna tur a ni a, October 31 atanga khelh tan tur niin group match chu November 28 thleng an khel ang.
Quarter final chu December 9 leh 10-ah khelh a ni ang a, semi final chu December 13-ah Las Vegas khawpuiah an khel dawn a. Final pawh Las Vegas khawpuiah tho khelh tur niin, December 16-ah an khel dawn a ni.
Group play-ah team tinin road leh home game vawi hnih ve ve zel an nei ang a, quarter final leh semi final thleng phak lo team-te chu team dang pahnih, Cup playoff khel pha lo dangte nen an inkhel leh ang a, a vaiin game 82 a awm ang.
Group hrang hrang then dan chu:
East Group A – Cleveland, Indiana, Atlanta, Toronto, Washington.
East Group B – Boston, Detroit, Orlando, Brooklyn, Philadelphia.
East Group C – Milwaukee, New York, Chicago, Miami, Charlotte.
West Group A – Oklahoma City, Minnesota, Sacramento, Phoenix, Utah.
West Group B – L.A. Lakers, LA Clippers, Memphis, Dallas, New Orleans.
West Group C – Houston, Denver, Golden State, Portland, San Antonio.