Kum 40 mi ni tawhin, fa pahnih nei tawh mah se Bollywood lemchan thiam Kareena Kapoor a la chuai thei meuh lo a, hemi chungchang hi a dietician lo ni tawh Rujuta Diwekar chuan tun hnai khan a sawichhuak.
Kum 2007 vel atang khan a ei leh in a uluk lehzual em em a, he kum 18 chhung hian a diet-chart a zawm uluk hle tih Diwekar chuan sawiin, dinner mawm tak taka tel tura sawmna pawh a hnar fo thu a sawichhuak a ni.
A chang chuan buhfai leh dal chauh ei changte a nei a, roti chauh rin chang pawh a ngah hle, mawm lam a insum nasa hle a, a ngai ngar ngar kartluana a rin luih chang a awm fo, a ti bawk.
Exercise la tha hle in, kum 2021 a a fapa naupang zawk a pian hnu khan a rihna a sang chho zui hle a, hemi hnu hian intihcher leh tuma theihtawp a chhuah zui thu leh, a beih nasat thu a sawi bawk. Tin, amah Kareena ngei pawh hian thu a sawina hmun hrang hrangah inenkawl uluk a tul thu a sawi nasa thin hle.