Pathianni, July ni 13 khan UK-a Portman Road stadium-ah Ed Sheeran chuan concert neiin, hemi tum hian kum 51 mi Blunt chu zaipui turin a kochhuak a, Blunt-a hla lar ‘Goodbye My Lover’ an sa dun.
Kum 31 mi Sheeran chuan Blunt-a hla lar an sak dun hma hian mipui hmaah a phur tawh thu leh a helhhawlh thu sawi hmasain, Blunt meuh zaipui theitu nih chu a inchhuan thu a sawi bawk a, a dream a hlawhtling tak tak ta, a ti.
Instagram lamah Sheeran chuan Blunt nen an hun hman nuam a tih thu hi sawi zuiin, a mi duh ber a nih thu hahipin a sawi nasa zui hle a, a hlate hian min tiphur a, amah ang nih hi ka duh a ni, a ti zui bawk.
School a kal lai atangin Blunt-a hlate hi a lo cover nasat tawh hle thu sawizuiin, a fan a nih thu a sawi a, a zaipui thei chu a inchhuan tak zet thu a sawizui nasa hle a ni.
Blunt pawhin Sheeran a ngainat thu leh Switzerland lamah an lo inzui nasat viau tawh thu sawiin, ka fapa ang maia ka en a ni, a ti ve bawk.