Aizawl: Champhai North bialtu MLA Er. H Ginzalala chuan Ngaizawl khua chu hmun tha leh mikhual hip thei turin hma an la dawn tih a sawi.
Nimina Ngaizawl khuaa an party, ZPM zawm thar mi eng emaw zat a lawm luhna inkhawmah bialtu MLA Er. H Ginzalala chuan Ngaizawl khua hi Khawzawl leh Champhai district ten an khaw intawm a tih theih a, hei hi hmun tha leh mikhual hip thei turin hma an la dawn tih a sawi.
Bialtu MLA chuan Zangkual dil chu nasa taka cheibawlin, tourism lamah nasa takin hmasawnna a hmuh tir dawn a. Vantlang sangha dil pawimawh tak a ni ang a, chu chuan khawtlang thawhhona tha a thlen an beisei bakah, thalaite mamawh tak water sport-te an ruahman dawn a, homestay te pawh an la din chhoh theih zel an beisei a. Lungding hi khawtlang hmun pawimawh a nih angin an cheibawl dawn bawk tih sawiin, “Hei hi kan hmasawnna tur pawimawh tak a ni,” a ti.
Er. H Ginzalala hian Champhai North constituency chhunga Ngaizawl khuaa MNF VC ten ZPM party-ah a awm lut a ni. Heti hi hian Ngaizawl khuaa ZPM VC thar a piang ta a ni.