Mizo Zaimi Inzawmkhawm (MZI) chu cancer natna tuar harsa zualte tan an pen chhuak leh dawn e.
July ni 18, 2025 (Zirtawpni) zan dar 8 atanga tanin, MZI chuan charity event an buatsaih dawn a. He event atanga sum tlingkhawm zawng zawngte hi cancer natna tuar, inenkawlna senso harsa zualte tan an hlan vek dawn a ni.
Ignite Studio-ah hun hman tur a ni a, he studio atang hian live-a pek chhuah a ni dawn a. LPS, Zonet leh MZI YouTube channel-ah te pek chhuah a ni ang.
He charity event-ah hian zaithiam hrang hrang an inlan dawn a. Vehbur khawn chhung hian zaithiamte hian zaiin hun an hmang dawn.
He event-ah hian Youth Icon star rual inlan tur zingah Lalsangliana (Taitea), Peter-a, BK-a, Samsona, Zothanpuii te bakah K Lalthlamuankimi, Dreamhunter vocalist Muanpuia, Jonathan Lianhna, TBC Zaithanpuia, Daniel Lalawmpuia, Lallawmawma, Lalramchhana, Remrema, Sangkimi Khiangte, Lydia Pachuau, Dr Shirley, Lalbiakhluni Colney leh hranghlui super trio – Lalhungchhungi Pachuau, Sailothangi Sailo leh Zosangliani te leh midang dang an inlan dawn a ni.
MZI chuan an charity event buatsaih turah hian tawiawm theuh turin mi zawng zawng an sawm a. Tanpuina hi tlem lua awm lo, tam lua awm lo a pe theuh turin mipuite an ngen nghal bawk.