Aizawl: Union Minister of State for Minority Affairs and Fisheries, Animal Husbandry & Dairying George Kurian chuan nimin khan PMJVK hnuaia Siaha district-a project thlan chhuah pahnih sakna tur video conference kaltlangin a phum.
Union Minister Kurian hian PMJVK hnuaia Siaha district Tipa V-a Market Shed cum Multipurpose Centre and Women Facilitation Centre leh Siahaa Multipurpose Community Hall sakna tur lungphum a phum a ni.
Siaha district-ah PMJVK hnuaia thlan chhuah project pahnih lungphum phum a ni tur chu a lawmpui tih sawiin Union Minister chuan, he’ng project pahnih sakna tur chu Mara ram mipuite nunphung nen pawh a inrem hle tiin, tangkai taka hman a nih theih nan duhsakna a hlan a ni.
Lungphum phumna inkhawm hi MADC Golden Jubilee Hall, Siaha-ah Addl DC Abraham Beirazi Khithie kaihhruaiin neih a ni a, Mizoram State BJP President leh Siaha bialtu MLA ni bawk Dr K Beichhua leh Palak bialtu MLA K Hrahmo, BJP National Secretary-Minority morcha Delson Notlia te an tel bawk.