Aizawl mipui himna leh zahawmna humsak turin memorundum thehlut

Aizawl: Centre For Environment & Social Justice (CESJ) chuan nimin khan AMC Municipal Commissioner hnenah Aizawl khawpui chhung mipuite himna leh zahawmna humhimsak tura hma la turin memorandum a theh lut.

Memorandum a thehluhah hian Municipal Commissioner chu AMC huam chhung veng hrang hranga kawngpui kam, kea kalnaa chawhmeh zuar zawng zawng, a bul hnai bazar in sak chhunga sawn lut vek tur te, dawrkai parking nei lo an dawr kawta nileng zankhuaa motor park thin titawp tur te, vantlang kawngpui mi hausa ten motor hun nana thlabi-a an lei hi thil dik lo hulhual a ni tiin, titawp tura hma la turin an thlen.

CESJ chuan lirthei dahna nei lo, garage nei anga transport a lehkha theh lut, nei si lote hi sorkar/mipui bum an nih avangin an registration cancel-sak tura tiin, kawngpui sira chhun zan zawma lirthei riah tihtawp vek turin an thleng.

Heng bakah hian city bus tawng lutuk tawh zawng zawng tlantir tawh lo tur te, zingkar dar 7 hma leh zan dar 8 hnu lamah dawrkai bungraw loading leh unloading tihtir vek tur te, vantlang kawngpuia in sakna bungraw a rang thei ang ber thiar fihlim tir bakah an hnuhma an tihfaitir turten memorandum thehluhah an tar lang.

• Memorandum an thehluhah an tar lan dangte:

1. AMC area zawng zawnga Taxi stand en that ni rawh se. Taxi permit pek chhuah an nih ruala vantlang kawngpui, alkatra luan chhunga eizawn/sumdawn phalna hi pek nghal an ni em? A nih chuan eng dan hmanga pek nge an nih? Mi mal sumdawn nan vantlang kawngpui hman ngawt hi thil thiang a ni lo a. Mitin hian kawng pui hi ei zawn nan kan duh vek ang. Taxi hmanga ei zawngte pek bik hi a dik lo hulhual a. Chuvangin vantlang kawng ni loa Taxi te an service dan ruahman thuai ni rawh se.
2. Sorkar office, shopping mall lian, damdawi in, hotel, movie theatre, conference /seminar hall ah customer te dawl zo tur parking nei vek rawh se.
3. Dawr kai te’n an dawr hma kea kalna (pavement) a dawr bungrua an dah leh lirthei eng chi pawh an hung thin hi khap ni rawh se.
4. Municipal Area huam, vantlang kawng kama motor/tow wheeler workshop a awm leh awm loh en fiaha; mipui vantlang tana hnawkte tihtawp vek ni rawh se.