Ruihhlo kalkawnga awmte hian ruihhlo chi hrang hrang kan hmelhriat a, man an tam a, inhnamhnawih an awm ta nawk bawk.
Hlawk thuah chuan ruihhlo tawlh hi a hlawk ngei ang. Eizawnna nghet leh bulfuk tak nei lo tan phei chuan ruihhlo hmanga sumdawnna hi a hlawk hle ang a, hausak pawh a awl ngei ang. Mahse, a nghawng hi kan ngaihtuah tel a tul a ni.
Kan ram thalai tam tak he bawihah hian an tang tawh a, thalai hnathawk rual khawlaia rui thle mai mai leh ruihhlo ngaihvena an phi sek mai hmuh tur awm ta nawk mai hi a veiawm a, kan harhchhuah a va hun tawh em.
Kan khawpui hmun lai apiangah ruihhlo ngai tam tak hmuh tur an awm tawh a, vantlang kawng zahna a bo a, kum upa zawkten thupha chawi aw titiha kawng kaltlang an dil thawm hriat tur awm ta nuk maite hi a thanatthlak a, hmalak hi chu a ngai a ni.
Ruihhlo hluar ta lutuk veng tur leh a hlauhawmzia hre tur hian inzirtir mawlh mawlh a hun tawh a, naupang zawkte zirlaibuah hian tel hial a hun tawh khawp mai. A nih loh pawhin, heng mite hi nuihzat zawnga kan lak pawh a tul mai thei. Kan ram min run nasain, khawtlang leh chhungkua min tibuai nasa tawh em mai. Ngaihtuahna i hmang tlang hlawm teh ang u.