Zaithiam Adam Levine leh Behati Prinsloo te chuan an inneih kum 11 na chu July 19, inrinni khan lawmin, social media lamah an in wish-na thlum tak tak an dah nasa hle.
Prinsloo,37 chuan a pasal chu a engkima engkim a nih thu sawiin, Maroon 5 frootman, kum 46 mi tan thuziak thlum tak tak a hnutchhiah a, an nupa thlalak hlui hrang hrang a post kual nasa hle.
Levine pawhin a nupui chu duhsakna hlan ve bawkin, khawvela a mi duh ber nena an inneih cham an hmang belh leh tur chu nuam a tih thu leh inchhirawm loh a tih thu a post ve bawk.
An nupa hian kum 2012 atang khan an inkar a awm tan a, vantlang hmuhah erawh inzep nasa hlein, an inthup tawn nasa hle thin a ni.
A inkar boruak hi tha reng bik lovin May 2013 khan reivak lo inthen ve zawkin, July thlaah an inhualzui a, a kum leh July, 2014 khan Mexico khawpui Cabo San Lucas-a Flora’s Field Kitchen ah an innei a ni.
An nupa hian fa pathum nei tawhin, an inkar hi a tluang reng bik lo a, kum 2022 phei kha chuan vantlang hmaah an lo inpuh hmingchhe tawn nasa hle a, mahse an inkar siamtha chho thuaiin tunah chuan hlim takin an inneih kum 11 na an hmang thleng thei ta a, an pahnih hian kawppui nuam tak a ni tiin an insawi tawn mek a ni.