LeBron James chu 2025-26 season-ah Los Angeles Lakers player a la nih zui hmel.
Lakers leh James te hi an la indawr fumfe chiah lo a, hralh tumna emaw an la neih loh hmel a, favang hunah chuan training tura an koh hmel a. Chhuak duh angin emaw a la awm chhin miah lo bawk.
Thla hmasa khan James chuan $ maktaduai 52.6 duhthlan theihna hun a nei a, Lakers-ah hian season riat a awmna tur chiah a ni a. Tunah erawh a vanglaia a vawi khatna atan duh ber a ni dawn ta lo a, February thlaa Dallas Mavericks atanga an lak, Luka Doncic chu a bulpui ber a ni ve thung dawn a ni.
Kum 40 mi, James hian NBA season 23-na a hmang dawn chiah a, regular season game 1,562 a khel tawh a, Hall of Fame member Robert Parish-a NBA record khum turin game 50 a khelh a la ngai a ni.
James hian 2024-25 chhung khan average point 24.4, rebound 7.8 leh assist 8.2 a nei a. All-Star vawi 21 ni tawhin, league MVP vawi li a nih bakah NBA champion pawh vawi li a ni tawh bawk a. Regular season point 42,184 score tawhin record a siam a, regular season leh playoff-ah chuan point 50,473 a score tling tawh a ni.
2003 NBA Draft-ah khan Cleveland Cavaliers chuan kum 18 mi, James chu NBA huangah an la lut tan a, kumin December thlaah hian kum 41 a tling chiah ang.