Aizawl: Dawrpui South Welfare chuan nimin chawhnu hian AMC Executive Corporator B. Lalawmpuii chu a pisa-ah kawmin, welfare mamawhte leh hmasawnna tur nia an hriatte an sawipui.
Executive Corporator B. Lalawmpuii chuan Dawrpui South Welfare hruaitute’n an mamawhte an thlente chu lo zirchian sak a tum thu a lo hrilh.
B Lalawmpuii chuan, AMC term kal meka an hnathawhnate leh a bik takin, a ward chhunga hnathawhte tluang taka a thawh thinnaah ward mipuite tawiawmna leh inhawnna zau tak a dawng thin chu lawmawm a tih thu a sawi a. Dawrpui khawtlang invawnna leh politics bawlhhlawh chiahpiah ve lo veng a ni chu entawn tlak a tih thu a sawi bawk.