Bayern Leverkusen head coach Erik ten Hag chuan an player Granit Xhaka chu Sunderland hnenah hralh tumna a neih loh thu a sawi.
Kum 32 a upa Arsenal midfielder hlui agent hian thawhlehni khan German ram media mite hmaah premier league lama kir leh tura an dinhmun a that thu hi a sawi a, mahse club lam chuan hralh tumna an nei lo niin an sawi thung.
Bundesliga club hian an player pawimawh Florian Wirtz leh Jeremie Frimpong te chu Liverpool hnenah hralh tawhin, Jonathan Tah pawh Bayern Munich hnenah an hralh avangin player dang hralh tumna an nei rih tawh lo niin an sawi a, Ten Hag chuan, ‘Agent chuan engkim a sawi thei. Mahse, club in player pawimawh pathum kan hralh tawh a, midang chhuahtir tumna kan nei tawh rih lo,’ a ti ve thung.
Switzerland player hian kum sarih chhung Arsenal-ah hun hmangin, kum 2023 khan Leverkusen hi a zawm a, a contract hi kum nga chhung niin, a la hmang zo lo hrim hrim bawk a ni.
Premier League kai thar Sunderland hian Xhaka hi an dawr thui viau tawh nia sawi niin, club lamin an phal miau rih lo a. Mahse, transfer hun lai a nih miau avangin engkim la thleng kual thei reng erawh a ni thung.