North East Band Competition 2025-ah Mizoramin pakhatna lawmman la.
Nilaini khan NCC North Eastern Region Directorate-in Republic Day Camp 2026, New Delhi-a North East aiawha kal tur thlanna atan NCC group wise band competition chu Assam State, Digboi-ah a buatsaih a. He intihsiaknaah NCC group hrang hrang atangin band party pasarih – Assam atangin pali, Nagaland, Mizoram leh tripura atangin pakhat theuh an tel a ni.
Mizoram atanga kal Govt. School pipe band te hi 20 Mizoram Bn NCC hminga kalin, Silchar Group aiawhin an tel a. Band thiam ber lawmman pakhatna chu an laa ni.
Mizoram band party ah hian Govt Mizo High School naupang leh Govt. Mizo Higher Secondary School naupang te an tel a ni.
Lawmman pahnihna Guahati, pathumna Tripura ten an la bawk.