Lemchan thiam Nicole Kidman chuan Portugal lama inbengbel a, awm a duh ni ngei tur a ni a, in nei turin a bei mek a, Portugal lama insawn an tum niin thu a thang mek.
Kartawp lam khan Kidman,58 leh a pasal Keith Urban,57 te chuan Portugal lama hun hmang dun turin ruahmanna an siam mek tih tarlan an ni a, insawn ngheh tum an nih leh nih loh erawh a hriat loh.
An nupa erawh hi chuan engmah an la sawi chiang lo thung a, Urban hian US tour nei mekin, hmun hrang hrangah a zai kual mek a, hetih lai hian Kidman hian Portugal thuneitute lam a lo dawr ve mek thung nia sawi a ni.
Kidman hi a movie thar tur siamin Portugal lamah a awm mek a, hetah hian in leh lo neih ngei tumin hma a la mek nia sawi niin, tihfel ngai hrang hrang a buaipui mek niin report thenkhat chuan an sawi a, a fanu tleirawl Sunday,17 leh Faith,14 te pawh an nu bulah hian an awm bawk.
An chhungkua hian Nashville lama khawsa niin, tunah hian Portugal lamin an lung a len hle nia tarlan an ni a, an pa ber pawh hian tour a neih zawh veleh a zawm ve nghal dawn niin sawi an ni lehzel bawk a ni.