Aizawl: Tun hnaia National Highway 306 leh 06 kawng chhe thawm that hna thawh mek a nih avanga he kawngpui dunga lirthei tangkhang enkawlte hnenah Inrinni khan ei tur leh tui thianghlim pek an ni.
Lirthei tam zawk dinna hmun te hi Rengtetlangsang, Bilkhawtlir, Bualpui, Kawnpui leh Khamrang bulah te an ni.
Lirthei tangkhang enkawltute hnenah ei tur hi Kolasib atanga hmar lamah KDTOA & MTDA leh an phungbawmte’n an pe a. Chhim lam chu Kolasib Sub-Hqrs. YMA kuta dah a nih angin, ei tur sem hna hi thawh a ni.
Lirthei khalhtute hi buhfai, dal, tel, purunsen leh tui pek an ni.
Kolasib DC Bungalow-a kawngpui dunga driver tangkhangte eitur sem chungchanga emergency working committee thutkhawmna leh Inrinni zingkar vek a Kolasib DC Circuit House a FCS&CA Minister B Lalchhanzova leh bialtu MLA Lalfamkima, Deputy Speaker ho a buhfai sem tur leh ei leh in tur leina tur pawisa fai ngaihtuaha thutkhawma rel bawhzuiin lirthei tangkhang driver te hnenah ei tur leh tui thianghlim pek an ni.