AZL: Inrinnia hmun hrang hranga blood donation camp neih atangin a thlawnin unit 389 pek a ni.
Mizoram Gorkha Youth Association (Central) chuan Gorkha School Complex Khaltaah an pawl dinna champha vawi 49 lawm nan Blood Donation Drive an buatsaih a. Aizawl veng hrang hranga an member thalai (mipa 74 leh hmeichhia pahnih) ten unit 76 an pe a. Blood Bank, Aizawl Civil Hospital-a mamawhtute hman atan a pe a ni.
Civil Hospital, Aizawl tan hian TKP, Luangmual Bial-in unit 94 an pe a, mipa 79 leh hmeichhia 15 an ni a. Zomi Inkhuan-in unit 24 an pe, mipa 16 leh hmeichhia pariat an ni.
Synod Hospital-ah TKP, Bawngkawn Bial-in unit 84 an pe, mipa 77 leh hmeichhia pasarih an ni.
Salvation Army Youth Central South Division-in ZMCH tan unit 43 an pe, mipa 34 leh hmeichhia pakua an ni.
Civil Hospital, Lunglei tan TKP, Leite Bial-in unit 44 an pe, mipa 40 leh hmeichhia pali an ni.
Lawngtlai District Hospital tan TKP, Lawngtlai Vengpui Unit leh Zion Unit ten unit 23 an pe, mipa 18 leh hmeichhia panga an ni.