Zaithiam Alicia Keys leh a pasal Swizz Beatz te chu an inneih kum 15 champha an thlen avangin an hlim hle a, Keys phei chuan thilmak tih loh rual a nih loh thu a sawi.
Kum 44 mi zaithiam hian a pasal, kum 46 mi chu a thinlung zawng zawng a pekna a nih thu leh a zah hle thu sawiin, a instagram lamah an nupa thlalak hrang hrang tarchhuakin, nuam a tih thu leh thilmak tak tawng ang mai a nih thu a sawi a, lawmna post a ngah hle.
Keys leh Beatz te hi kum 2010 khan Mediterranean tuipui kama mimal chenna inah an innei a, an inneih lai hian Keys hian naupai tawhin, kum tawp lamah an fa hmasa ber Egypt Daoud Dean piangin, an fa pahnihna Genesis Ali Dean chu kum 2014 khan an nei leh bawk.
Keys nen an inneih hma hian Beatz hian fa pathum, Prince, kum 2000 a piang, Kasseem, kum 2006 a piang leh Nicole, kum 2008 a piangte a lo nei tawh thung.