Hnute cancer a vei tih hmuhchhuah a nih hnuah inenkawlna dawng nghalin, a cancer zai a hnu phei chuan a hnual ve hle tih Jessie J chuan a sawi a, mahse fight chhuah ngei tumin theihtawp ka chhuah thung, a ti.
Kum 37 mi ‘Price Tag’ singer hi a hnute cancer zai a nih hnuah a lung lamah harsatna a tawk deuh nia hriat a ni a, tunah erawh dam chho leh mek tawhin, in lamah a inenkawl mek a ni.
Test hrang hrang a tihnem hle niin a sawi a, cancer nghawng chu a nat thu leh thawk lak thlenga harsatna a tawh nasat thu a sawi a, dam lam ka pan zel ang, a ti bawk.
Jessie J hi a hming dik tak chu Jessica Cornish niin, in lamah hahdam taka inenkawlin a awm mek tih amah ngeiin social media lamah puangin, mi tam takin dam leh thuai turin duhsakna min hlan mawlh mawlh a, ka lawm hle, a ti a. Tunah hian chawlh hahdamna hun ka hmang mek a ni, tiin a natna chu inhnehtir a tum loh thu a sawi.