Covid-19 hri leng avangin kan hnung lawkah khan khawvel a buai a, kan ram thleng pawhin kan inkharkhip nasa hle a nih kha. Tunah he hri leng hi a reh fel ta a ni lo a, kai thar hmuh tur an la awm reng.
Invenna leh fimkhurna kan inzirtir nasa hle a, thihpui an tam tawh em avangin, a tul hle bawk. Tunah hian Covid-19 hi a pung leh deuh niin a lang a, i fimkhur thar leh teh ang u.
Heti lama thawktute sawi dan chuan hri leng hi kumdang nen khaikhin chuan a pung thar hle niin an sawi a, May thla atanga August ni 5 thleng khan vei thar 19 an awm leh tawh, tun hnaia test te phei chuan an kai vek tih a la ni lehzel.
Hei hi kan dinhmun a ni mek a, mitin kan fimkhur thar a tul hle. Mask vuah a la pawimawh reng a, ruahtui tlak lai a nih bawk avangin ruahdo loh thlengin a tul awm e. Puipunna hmuna awm loh theih loh a nih pawhin invenna hrang hrang kan hriatsa kha hmang mai ila, kan ram hi kan rik leh buaih hmain lo inveng lawk mawlh teh ang u.
Puitling zawkte chuan vaccine kan la fur tawhin a rinawm a, a hlauhawm dan a lo nep deuh tawh a nih pawhin naupangte dinhmun thlir chungin he hri leng hi i ngaihvenin, i do thar ila, i inveng lawk leh char char ang u.