Aizawl: Kawngpui leh Sairang inkar kawng chhia siam that hna thawh meka one-way-a lirthei tlantir an inhuam tawh angin nizan atangin ni tin mamawh ei tur phur lirthei chhuah tan a ni.
Sorkar thuchhuahin a tar lan danin, Kawnpui leh Sairang inkar kawng National Highway-06 thawm that hna thawh mekah, nimin khan a chhe nasa lai ber leh khawih harsa lai ber ni a ngaih Zoram Mega Food Park, Khamrang bul kawngpui chu siam a ni a, a chhe lai hi metre 100 vel niin, nimin chawhnu dar 2 thleng khan metre 80 chu boulder a hnawhkhah ni tawhin, zawhfel vek hman an inbeisei a ni.
He lai hmun hi excavator pahnih, vibratory roller leh grader pakhat ve ve hmanga hna thawh a ni a, kawngpui sir tawn tawnah tuihawk luankawr (side drain) hai a ni bawk.
Kawngpui thawm that hna thawktu NHIDCL-ten, Kawnpui leh Sairang inkar kawngah one way-a motor tlan tir an inhuam tawh angin, nizan dar 6 atangin essential commodities phur bakah ke ruk leh ke 10 nei HMV chhuah a ni a. Hun a la awm chuan 12 wheelers HMV chhuah an ni leh ang.