Aizawl: Thawnthu sawi hmanga Mizoram chanchin sawi inelna, ‘Narrating Mizoram: A Tales of Our Land – Storytelling Competition’ chu zawh fel a ni. A pum puia Serchhip aiawha tel Serchhip district atangin Lalruattluanga leh Lalthanzami Chhangte te pakhatna an ni.
Zirtawpni zan khan Narrating Mizoram: A Tales of Our Land – Storytelling Competition intihsiakna kharna hi Khatlaa Ignite Studio-ah neih chu Tourism Minister Lalnghinglova Hmar-in a hmanpui a. Zin mite hip nan leh kan ram hmun pawimawh leh nuam tak takte chanchin vawn nun nana Mizoram district hrang hranga hmun pawimawh behchhana thawnthu sawi hmanga inelna buatsaih a ni chu lawmawm a tih thu a sawi a. Mizoram, hnam leh hmunhma chanchinte ngaihnawn taka midang hnen a an sawi thiam chuan a ngaithlatute thinlungah a taka hmuh ve chakna a tuh a, chu chu Mizoram tourism tihhmasawnna kawngah thil pawimawh tak a nih thu a sawi.
He intihsiaknaah Serchhip district aiawha tel Lalruattluanga leh Lalthanzami Chhangte te chu pakhatna an ni a, thuziak leh pawisa fai Rs.50 000 an dawng a. Pahnhna Saitual district aiawha tel Deborah Lalnghakmawii leh Esther Lalmalsawmi te’n Rs. 30,000 an dawng a; pathumna Khawzawl district aiawha tel H. Lalngurliana leh R.Lalhlimmawii-te’n Rs. 20,000 an dawng a ni.