AZL: Ningani zana Hortoki Tlawng kam, Sihhmui kai atanga Tlawnga tla Lalsiamthari Sailo (33) ni ngeia hriat hmeichhe ruang Inrinni khan hmuh niin, ruang hmun chu Lalsiamthari Sailo a ni tih finfiah a ni.
Thudawn danin, Inrinni chawhnu dar 2:45 vel khan a ruang hi huan siama kal ten an hmu a, YMA hruaitute an hrilh hnuah ruang hi lak chhuah nghal a ni a. Central YMA leh Bungkawn Branch YMA hruaitute hriattir nghal an ni.
Ruang chhar hi Lalsiamthari a nih leh nih loh finfiah turin a chhungten Hortoki hi an pan nghal a. A chhungte chuan a thlalak atangin Lalsiamthari ni ngei-a an hriat thu an sawi a. A chhungte chuan Lalsiamthari ngei ni tih an finfiah a ni.