Kumin July 21-a thi an pawl member, Dampa bialtu MLA ni bawk, Lalrintluanga Sailo chu Inrinni khan PAMRA-in an ral.
Aizawl Lungmual-a Lalrintluanga Sailo (L) chenna ina ralna inkhawm hi PAMRA President Vanlalbiaa’n a kaihruai a, Maj. Khawlhmingthanga’n hunserh hmangin, Treasurer Lalchhuanthanga’n hriatreng thuziak leh ralna sum a hlan a. Fin. Secretary C. Thanglawta’n ralna thilpek a hlan bakah Vice President C. Thanchuanga’n thlahna thuchah a sawi.
Lalrintluanga Sailo hi zalenna sualtu zinga a tawp thleng awm niin kum 1986-a India sorkar, Mizoram sorkar leh MNF-in inremna thuthlung an ziak hnua haw a ni a, ramhnuai sipai-ah 2nd lieutenant a kai hman a ni.