AZL: CID (Crime) hnuaia Special Narcotics Police Station leh 225 Bn CRPF, Aizawl tangho chuan August 9, 2025 khan Seling leh Bungbangla bawr vela operation an neihah Maruti Suzuki Alto K10, AS10-D-9577 atangin Methamphetamine kg 3.930-a rit, Rs 51,09,000 vel man hu an man.
He thila inhnamhnawih ruihhlo neitua puh mi pathum – Sahab Uddin (41), Kanishail, Karimganj district, Assam; Emanuel Remnalalliana (25), Hmuncheng, Khawzawl district leh Lalbiaksiama (23), Hmuncheng, Khawzawl district te manin, Special Narcotics PS Case No.24/25 Dt. 09.08.2025 u/s 22(c)/25/29(1) NDPS Act ziah luh niin thubuai siamsak an ni.
August 6, 2025 khan Champhai Police chuan Heroin hawng 88, kg 1.053 (gram 1053) a rit, Rs 31,59,000 man hu chu Khankawn Checkgate-ah lirthei pakhat atangin an man. Chhui zuina atangin he ruihhlo thawntu hi Agnes Lalremsiami (32), Vaphai khua a ni tih hriat chhuah a ni a. Amah hi man nghal niin Champhai PS Case No. 118/25 Dt.06/08/2025 u/s 21(c) NDPS Act, 1985 ziah luh a ni a, thubuai siamsak a ni.