Committee on Public Sector Undertakings, Mizoram Legislative Assembly-in nimin khan Chief Minister Lalduhoma chu a pisa-ah an kawm a. Mizoram sorkar hnuaia Public Sector Undertakings palite chungchanga an thil hmuhte an sawipui.
Chief minister chuan assembly committee hrang hrangten assembly-ah report an thehlut thin a. Tuna Committee on PSU ten report an thehluh hmaa an zirchianna behchhan an thil hmuh an sawipui hmasa chu a bengvarthlak a tih thu a sawi a. Kalphung tha zawk tur rawtna an neih ngei a beisei tih a sawi a. An rawtnate chu assembly house-ah theh lut thuai tur leh a rang lama tihhlawhtlin an duha a rin thu sawiin, an rawtna pawm a harsat a rin loh thu a lo hrilh.
Committee on PSU Chairman H Ginzalal, MLA chuan ZOHANDCO, MIFCO, MAMCO leh ZIDCO te kalpui zel dan tur, committee-in an rawtna neih tlangpui a sawi a. State dangahte an zin a, an kal dan an zir a. An thil zirte atanga ram tana tha ber tur nia an hriat report an siam a, house-a thehluh thuai a nih tur thu a sawi.